USJ-R Spiking Jaguars nakasulod sa quarterfinals sa 2010 Uni Games
CEBU, Philippines - Ang University of San Jose-Recoletos (USJ-R) Spiking Jaguars miharos sa upat ka duwa aron moabante sa quarterfinal round sa volleyball event sa nagpadayong 2010 University Games kagahapon didto sa Silliman University didto sa Dumaguete City.
Ang CESAFI men's grandslam champion USJ-R ni legendary coach Grace Antigua mibuntog sa La Salle College of St. Benilde sud sa upat ka sets.
Nagpungasi nga mga atake maoy gisandigan sa USJ-R, kinsa yano kaayong miangkon sa first set, 25-15.
Hinuon, ang St. Benilde mibawos sa makutas nga kadaugan, 25-22 sa second set.
Nakapanamin sa ilang mga sayop, ang USJ-R wala na mohatag og higayon sa St. Benilde nga makabuylo sa nahabiling duha ka sets aron moposte'g 25-17, 25-19 nga kadaugan.
Ang USJ-R moharong sunod batok sa modaog sa duwa tali sa University of the Philippines ug University of St. La Salle Bacolod alang sa bakanteng luna sa semifinal. (BANAT)
- Latest
- Trending
