CEBU, Philippines - Ang tandem nilang Odong Pamatian ug Winnie Abella maoy naghari sa Yayoy's Grill Octoberfest Double Darts Tournament diha sa Yayoy's Grill and Resto Bar sa Orchids Street sa Brgy. Capitol Site, ning siyudad.
Gipukan nilang Pamatian ug Abella ang laing duha ka beteranong magduduwa nga sila si Jerous Ponce ug Alan Veloso alang sa kampiyonato.
Sa laing bahin, sila si Yoko Quilope ug Junex Perez, mibuntog nilang Roy Laude ug Gil Arco aron sa pagpahiluna sa ikatulong dapit.
Mikompleto sa top eight placers mao ang tandem nilang Alvin Villa ug Ian Tuburan, Teban Montenegro ug Reyden Colina, Lito Pito ug Raniel Sarsonas ug Arvic Recaña ug Eugene Managuit. (BANAT NEWS)