Taste Well/S4E, 3MRJ milubong sa kontra sa BSBA Lauro Cup

CEBU, Philippines - Gipanglubong sa Taste Well/S4E ug 3MRJ ang tagsa-tagsa nilang kaatbang sa BSBA Lauro Cup basketball tournament didto sa Buaya gym sa Lapu-Lapu City.

Ang Taste Well/S4E ni team owner Carolina Acaba midominar sa kinatibuk-ang duwa aron angkonon ang 63-51 nga kadaugan batok sa ADO, samtang ang 3MRJ ni team owner Renato Casinillo milubong sab sa Cons Felix, 63-50.

Si Tibo Hosmil misag-ob og 16 puntos, samtang sila si Norwin Caputi ug Lando Baricuatro mihakot og 12 puntos matag usa alang sa Taste Well/S4E nga wala gyud mokompiyansa gikan sa pagsugod hangtod na sa pagkahuman sa duwa.

Si Totoy Booc mi-iskor og 10 puntos alang sa pilderong ADO.

Sa laing duwa, si Pompie Ngujo mikadlit og 16 puntos aron pangulohan ang 3MRJ.

Puntos Matag Usa

Unang duwa:

TASTE WELL/S4E (63) - Hosmil 16, Baricuatro 12, Caputi 12, Dela Rama 6, Labadan 4, Mepieza 2, Igot 2, Herbusa 2, Baisac 2

ADO (51) - Booc 10, Nabua 8, Casio 7, Bandana 7, Presbitero 7, Unao 5, Nabua 4, Ygot 2, Hortelano 2

Ikaduhang duwa:

3MRJ (63) - Ngujo 16, Casinillo 13, Micabalo 12, Inot 9, Ygot 5, Enriquez 4, Avelis 4, Inot 3, Inot 2

CONS FELIX (50) - Catag-catag 16, Pahugot 13, Booc 8, Ceniza 8, Catag-catag 4, Ecarma 4, Perez 2. – BANAT NEWS