CEBU, Philippines - Gisubhag daog ang CIW Forwarders ug Ave Maria Sanctuary Park sa bag-o lang gisugdan nga 1st Mayor Teresa P. Alegado Cup Fiesta Basketball League didto sa Consolacion Sports Complex.
Mipakita dayon sa ilang labok ang Forwarders aron idemolis ang KNF Design, 77-68, samtang ang Ave Maria mipaluhod sa Mandaue City Landmaster, 77-71.
Ang reinforcement gikan sa M. Lhuillier Kwarta Padala nga si Frank Nailon miburak og 21 puntos, samtang sila si Alano Caputolan ug Eric Zanoria miposa og 17 ug 14 puntos matag usa alang sa Forwarders.
Sa ilang bahin, sila si Jojo Tangkay ug Jerry Jaca nagkumboya og 36 puntos aron hatagan ang Ave Maria sa labing unang daog.
Sa laing duwa, ang University of Cebu (UC) Alumni sa pagpangulo ni Jared Kane Abatayo, kinsa miiskor og 32 puntos mipukan sa ACES sa iskor nga 79-73.
Puntos Matag Usa
Unang duwa:
CIW Forwarders (77) - Nailon 21, Toong 15, Caputolan 17, Zanoria 14,Paradiang 4, Into 4, Delgado 2
KNF Designs (68) - Magdadaro 18, Miñoza 13, Linaoi 10, Maraño 10, Malagar 8, Colonia 6, Miñoza 2, De la Rama 1
Ikaduhang duwa:
Ave Maria SP (77) - Tangkay 20, Jaca 16, Aying 7, Nuñez 7, France 6, Cainglet 6, Ocañada2, Doy 2, Alicaway 2
MC Landmasters (71) - Abadia 19, Bucao 15, Berame 14, Navarez 6, Espina 5, Demape 4, Laygo 3, Villaver 3, Pagasian 1, Cabañero 1
Ikatulong duwa:
UC Alumni (79) - Abatayo 32, Ramos 14, Abellanosa 12, Abella 6, Quilantan 4, Gomez 3, Samonte 3, Caytona 3, Luceño 1
ACES (73) - Filoteo 23, Albarillo 16, Duran 10, Tanggarurang 9, Capilar 8, Gonzales 6, Guzon 2, Millioren 1. – BANAT NEWS