UTASSCO nag-una sa liderato sa Power Forty Christmas league

CEBU, Philippines - Mikulit sa ilang ikaduhang sunod-sunod nga daog ang UTASSCO Utility ni Atty. Flor Yosores dihang ilang gilubong ang Allyn & Sons, 104-84 aron magsolo sa liderato sa Power Forty Christmas League didto sa Inayawan Sports Complex.

Sa sayo pa, ang Precious Ellah midaog sab batok sa udermanned F&E Electrical Suppy, 94-81. Ang duha pareho na karong nagbitbit og 1-1 nga baraha. 

Si Wilbor Cabrera miburak og 25 puntos aron pangulohan ang UTASSCO, gisundan ni Atty. Yosores nga mibahog og 14 puntos. 

Ang Allyn & Sons (0-2) gipangulohan sab ni Titing Moniva, kinsa mihakot og 18 puntos, samtang sila si Anot Tabar ug Carding Vernaiz midugang og 16 ug 15 puntos matag usa.

Sa laing bahin, si Rusty Caballero mihagdaw og 16 puntos alang sa Precious Ellah, samtang sila si Noel Flordeliza ug Celso Cabaluna miabuno og 14 puntos matag usa.

Si Mario Tabar mi-iskor og 29 puntos alang sa F&E Electrical Supply, si Roger Cabatas mi-iskor og 15 puntos ug si Dodong Piezas adunay 13 puntos.

Puntos Matag Usa

Unang duwa:

Precious Ellah (94) - Caballero 16, Cabaluna 14, Flordeliza 14, Traya 10, Abarquez 7, Cabañero 7, Nacario 6, Abellana 6, Ramil 6, Labrada 4, Navares 2, Samson 2

F&E Elect’l (81) - Tabar 29, Cabatas 15, Piezas 13, Abasolo 9, Navares 6, Pacquiao 5, Lim 4

Ikaduhang duwa:

UTASSCO UTILITY (104) - Cabrera 25, Yosores 14, Mabalcon 11, Atillo 10, Pestaño 10, Felicitas 9, Nacional 8, Mercado 8, Labajo 5, Yu 4

Allyn & Sons (84) - Moniva 18, Tabar 16, Vernaiz 15, Sandal 14, Lisondra 8, Gabuya 4, Plarisan 3, Albaño 2, Cabase 2, Sabejon 2 (BANATNEWS)