CEBU, Philippines - Misukol na ang gitamay kaniadto nga Cebu Eastern Eastern College (CEC) Dragons dihang na nila ang gipakita ang ilang kaisog pinaagi sa pagharos sa tulo ka duwa batok sa Sacred Heart School-Ateneo de Cebu (SHS-AdC), 91-81 aron tukbon ang korona sa juniors division sa 10th Cebu Schools Athletic Foundation Inc. (CESAFI) basketball event kagabii diha sa Cebu Coliseum.
Sa maong kadaugan, ang Dragons mikulit og dili hikalimtan nga kasaysayan sa eskuylahan.
"First of all, I would like to thank our school officials led by Frederick Ong, Jr., Jefferson Go among others, the coaching staff led by Jerry Jaranilla, and the last but not the least team manager Samuel Sia for their dedication and support. The humiliation that we got forced us to reinvent. We have made an unprecedented history in inter-school basketball in Cebu, and maybe in the entire country, from a lauching stock to champion," matud pa ni Chester C. Cokaliong, usa sa mga alumnus sa CEC, kinsa usa usab sa striking force luyo sa kalit nga kausaban sa CEC gikan sa perennial doormal ngadto na sa hardcourt powerhouse.
Sila si Montalvo ug James Neil Sumayan wala kapugngi sa tanang anggulo dihang mipabuhagay kini og 23 puntos matag usa aron pangulohan ang opensa sa Dragons.
Apan ang gibuhiang sunod-sunod nga 12 puntos ni Johnmar Lou Regidor sa third period maoy nakahatag og dakung impact alang sa Dragons, kinsa nabiyaan og dos puntos sa first half, 42-44. Si Regidor nahimong pabilo sa ilang mainitong rally aron ilogon ang labaw, 71-56 paingon sa final period.
Si Benjamin James Zosa, kinsa misiaw og pasulod sa iyang itsa gikan sa three-point area, unang mipahungaw sa iyang kainit, dayon gisalo kini ni Sumayang sa sunod nga kuwarter.
Ang Magis Eagles, kinsa nidominar sa first half, gipangulohan ni Bradley Bacaltos nga mitusik og 23 puntos.
Sila si Adrian Roland Muller ug Adven Jess Diputado mituka og 13 puntos matag usa.
Sa sayo pa, ang Southwestern University (SWU) Cobras mipukan sa University of San Carlos (USC) Warriors, 63-59 aron pagpahiluna sa ikatulong puwesto sa college division. (BANATSPORTS)