CEBU, Philippines - Mopadala og kapin sa 30 ka swimmers ang Cebu Blue Marlins (CBM) Swimming Club alang sa final leg sa PASA G-League Short Course Swimming Championship karong adlawa didto sa Shaw Memorial swimming pool sa Dumaguete City.
Pangulohan ang team sa bag-ong World Swimming Coaches Association-Pilipinas Level 2 accredited coach Rolando Alvarez ug Level 1 coach Matthew Vincent Vega.
Ang CBM bag-o lang niapil og swimming clinic ubos ni kanhi US National team mainstay nga karon University of Hawaii assistant strength coach Scott Sheerwood diha sa Cebu City Sports Center uban ni swimmer Christel Simms.
Ang ibala sa CBM ngadto sa Dumaguete mao si Michael Ichiro Kong sa FBC, Karen Mae Indaya sa Labangon, Tristan Kirk ug Kyla Ebon, Razel Cabajar ug Aaron Grant Embuscado sa USC, Anthony II Navarro, Lyh Ann Navarro ug Anthony Linn Navarro sa CEC, Danielle Bettina Vasquez sa SHS-Ateneo ug Patricia Mae Baguio sa STC.
Sila si Matthew Angelo Cañeda, Joshua Rosada, Clarence Israel Gabunada, Anthony Ray de la Peña, Cielo Osorio, Noel Cañeda, Pierre Niño Baguio, Danre John Lumapas, Felix Cristobal Vega, Christopher Soza, Dannielle Mae Ballesteros, Bethmay Arellano, Trina Cañeda, Cristine Indaya, Je-rose Rosada, Romylin Niña Ignacio, Joyce Huguete, Paula Abigail Vega, and Aimee Sanchez sa University of Cebu (UC). – BANAT NEWS