30 na ka triathletes ang nagpalista sa Val2020 Triathlon

CEBU, Philippines - Miabot na karon sa 30 ka triathletes ang nagparehistro alang sa 1st Val2020 Naga Triathlon nga gitakda ugmang adlawa diha sa baywalk sa lungsod sa Naga.

Si Ralph Arce sa Sugbutriathlon miingon nga lapas na og katunga sa gilauman nilang partisipante nga mosalmot sa labing dakung triathlon nga mahitabo didto sa habagatang bahin sa Sugbu karong tuiga.

Ang lumba naglatid sa sprint ug supersprint distances.

Lakip sa mga elite triathletes nga mikompirmar na sa ilang partisipasyon mao ang mga top finishers sa miaging IRON Man race nga sila si Noy Jopson ug Ralph Siose.

Mosalmot usab si Canadian pro triathlete Matt O’Halloran.

Karong adlawa ang katapusan sa online registration didto sa www.sugbutriathlon.com, apan manawat gihapon og partisipante atol sa adlaw   sa lumba. – BANAT NEWS