CEBU, Philippines - Mikulit dayon og daog ang defending champion UTASSCO Utility ni Atty. Flor Yosores batok sa Park N’ Go Bakeshop, 101-88 sa pagbukas sa Power Forty Christmas League diha sa Inayawan Sports Complex.
Laing duha ka teams ang milampos sab sa ilang debut uban sa F&E Electrical Supply nga midaog batok sa Allyn & Sons, 78-74 ug Water Market batok sa Precious Ellah, 95-87.
Si Alex Mercado miposte og 20 puntos aron pangulohan ang
UTASSCO, si Wilbor Cabrera miamot og 18 puntos, samtang si Atty. Yosores mitampo'g 12 puntos.
Upat ka players sa Park’ N Go ang mihagdaw og double figures pinangulohan ni Melvin Layon, kinsa miposa og 17 puntos. Sila si Romy Montuis ug Michael Arias parehong mihakot og 15 puntos ug si Domy Ozon miabuno og 12 puntos.
Sa sayo pa, si Dodong Piezas mibahog og 20 puntos alang sa F&E Electrical Supply, samtang si Andot Tabar mi-iskor og 13 puntos alang sa Allyn & Sons.
Sa lain pang duwa, sila si Gideon Bughao ug Tony Ungria nagkumboya og 37 puntos aron pangulohan ang Water Market, samtang ang pilderong Precious Ellah gipangulohan ni Dodoy Abellana sa iyang 29 puntos, gisundan ni Adel Cabaluna nga miantog og 22 puntos.
Puntos Matag Usa
Unang duwa:
F&E Electrical Supply (78) - Piezas 20, Tabar 14, Abasolo 13, Cabatas 8, Mosqueda 7, Lim 6, Pacquiao 5, Navares 5
Allyn & Sons (74) - Tabar 13, Albaño 12, Cañedo 12, Lisondra 10, Sandal 10, Reyes 8, Moniva 7, Sabejon 2
Ikaduhang duwa:
UTASSCO (101) - Mercado 20, Cabrera 18, Yosores 12, Yu 10, Nacional 8, Batac 7, Pestaño 6, Abasolo 4, Mabalcon 4
Park ‘N Go (88) - Layon 17, Montuis 15, Arias 15, Ozon 12, Echavez 8, Dejarme 8, R. Rama 5, Dimitiman 3, Filosopo 2, Rama 2
Ikatulong duwa:
Water Market (95) - Bughao 17, Ungria 18, Eleguin 14, Dejacto 10, Genzon 7, Dacalos 7, Labalan 4, Mapait 2, Abella 2, Yosores 2
Precious Ellah (87) - Abellana 29, Cabaluna 22, Floredeliza 11, Ramil 8, Nacario 7, Labrada 5, Rabadon 4, Navares 4. – BANAT NEWS