UV misakiyo ikalimang titulo

CEBU, Philippines - Gilangkat sa University of the Visayas (UV) ang ikalima nilang sunod-sunod nga titulo sa collegiate division sa Cebu Schools Athletic Foundation Inc. (CESAFI) scrabble tournament diha sa UV CRID room.

Ang UV nga gimaneho nilang Jowan Ayuno, Joy Policher, Villagonzalo, Mae Acasili, Khiel Labalan, Jerusalem Garbo ug Joe Saphate mitali og 12 ka daog.

Mitapos sa ikaduha ang Cebu Institute of Technology-University (CIT-U) uban ang 10   ka daog, gisundan sa University of San Jose-Recoletos (USJ-R) nga adunay 8.5 ka daog.

Hinuon, ang USJ-R maoy nanghawod sa secondary level nga adunay 22 ka daog.

Ang USJ-R gilangkuban nilang Nathalie Cabaluna, Milleferiren Rodriguez, Orgie Albaño, Derold Nick Dampios, Joseph Argel Katipunan ug Phil Robert Figues.

Ang UV nalandig sa ikaduha nga adunay 18 ka daog, samtang ang CIT-U maoy mi-okupar sa ikatulo nga dapit.

Ang UV ni coach Faith Ladonga gibitoonan nilang Mary Grace Paredes, John Rey Bilnas, Christy Anne Yosores, Joana Rose Gerona, Mary Eunice Separa ug Jezel Oen Embing. (BANATSPORTS)