CEBU, Philippines - Gipamatud-an sa mga beteranong sila si Jojo Tangkay ug Danny Aying nga wala pa matay-i ang ilang abilidad sa natad sa basketbol dihang ilang gigiyahan ang Ave Maria Sanctuary Park-USJR ngadto sa 74-71 nga kadaugan batok sa Team Mandaue alang sa kampiyonato sa 2010 Talisay Mayor's Cup basketball tournament didto sa Talisay City Sports Complex.
Gipamatud-an sa mga beteranong sila si Jojo Tangkay ug Danny Aying nga wala pa matay-i ang ilang abilidad sa natad sa basketbol dihang ilang gigiyahan ang Ave Maria Sanctuary Park-USJR ngadto sa 74-71 nga kadaugan batok sa Team Mandaue alang sa kampiyonato sa 2010 Talisay Mayor's Cup basketball tournament didto sa Talisay City Sports Complex.
Parehong wala magpa-alkanse ang duha ka top-seeded nga koponan ug nagbinayloay sila'g mga puntos nga miresulta sa duha ka deadlocks, una sa first period, 15-all ug nausban pagtapos sa third period, 55-all.
Apan ang Ave Maria hinay-hinay nga mipalapad sa ilang labaw ngadto sa 69-64 sa nahabiling 3:23 sa duwa.
Nakasikit pag-usab ang Team Mandaue human sa jump shot ni Niño Berame, 71-72 sa katapusang 21 segundos, apan mao na usab kadto ang katapusang iskor nga ilang nahimo kay giusikan ang krusyal kaayo nila nga posisyon.
Ang ex-PBA cager nga si Tangkay kinsa mirehistro sa iyang game-high 21 puntos maoy mikandado sa daog alang sa Ave Maria pinaagi sa pagpasulod sa iyang duha ka free-throw sa nahabiling dos segundos.
Nangulo sa pilderong Mandaue mao si James Laygo pinaagi sa iyang 19 puntos, samtang si Berame miabuno og 17 puntos.
Sa sayo pa, naangkon usab sa Ave Maria- Sanctuary Park ang third place human nila gipaluhod ang Team Colis, 101-90. (BANATSPORTS)