UC giusban sa UV

CEBU, Philippines - Human sa ilang 100-94 nga kadaugan niadtong Domingo, ang University of the Visayas (UV) Baby Lancers mipahamtang na sab og laing kapildihan ngadto sa ilang higpit nga karibal   University of Cebu (UC) Junior Webmasters, 76-68 kagabii sa ilang sangka sa "best-of-three" series alang sa ikatulong puwesto sa juniors division sa 10th Cebu Schools Athletic Foundation, Inc. (CESAFI) basketball event diha sa Cebu Coliseum

Usa na lang ka daog ang kinahanglanon sa Baby Lancers karong Sabado aron masakmit ang ikatulong puwesto.

Si Michael Cenita maoy nangu sa opensa sa Baby Lancers human siya mohagdaw og 16 puntos, samtang sila si Pete Flores ug Lucky Suan miamot og 14 ug 12 puntos matag usa.

Sa maka-usa pa, ang higanteng sentro sa UC nga si Alvin Labolabo Jr. mao usab ang nangu sa opensa sa Juniors Webmasters pinaagi sa iyang 19 puntos, gisundan ni Adamme Talisic nga adunay 13 puntos. (BANATSPORTS)