"Paint the town pink"

CEBU, Philippines - Karong buwan sa Oktubre gi-ila nga Cancer Prevention Month. Ato kining klarohon... Breast Cancer Month. Busa, ato unang ipadaplin ang atong pagka-macho ilabi na kadtong nag-ilusyon nga sila ‘macho’ ug atong pintalan ang kadalanan sa bulok pink. Hikalimtan una nato ang phrase nga gitawag ug “let’s paint the town red” ngadto na sa let’s paint the town pink.

Bulok PINK ang tema nga gipatuman karon sa mga tigpasiugda ug mga kalihokan sa sports ilabi na gayud ang Rotary Club of Cebu Fuente ubos ni Jessie Baring ug ang Chamber of Customs Brokers Inc. (CCBI) ubos sa ilang presidetne nga si Alfredo Lanticse.

Napuno sa kalihokan ang kalendaryo sa Oktubre nga gipadala nako pinaagi sa email gikan sa akong higala nga si Rady Abarintos, ang hepe sa Cash Division sa Bureau of Customs (BOC) Port of Cebu ug ni Mary Anne Solomon, ang sakop sa organizing commitee sa Rotary Club of Cebu Fuente.

Gisugdan ang kalihokan kagahapon pinaagi sa usa ka fun run nga gitawag ug Pink Run diin may gibana-banang usa ka libo ka mga runners o running “enthusiasts” ang misalmot nga gisugdan sa alas 5 sa kaadlawon didto sa Terraces sa Ayala Center.

Ang registration fee nga 200 pesos mahibalik ra usab ngadto sa ilang mga beneficiaries ug dugang kalihokan ang himoon aron pagtabang sa mga cancer patients ilabi na diha sa Chong Hua Hospital-Breast Charity ubos sa pagpaluyo sa Rotary-Fuente ug CCBI.

Apan ang pinakadako nga sports event ilabi na kung gasto ang hisgotan mao ang Pink Tee Golf Tournament karong Biyernes, Oktubre 8 didto sa Cebu Country Club golf course didto sa Banilad diin gidapit sa pag-apil ang mga mahiligon sa golf. Matahum kaayong mga ganti ang madawat sa mga mananaog niining maong golf tournament atol sa awarding sa mao gihapong adlaw.

Aduna say Pink Bowling karong Oktubre 10 nga gipasiugdahan sa Cebu Tenpin Bowling Association (CETBA) didto sa SM bowling lanes sa alas 7 sa gabii.

Gawas sa sports, adunay laing kalihokan ang RC-Fuente pinaagi sa pag-abag sa laing mga grupo nga ipahigayon didto sa Ayala ug SM.

Kini naglakip sa usa ka DOG SHOW karong Oktubre 9 didto sa SM Trade Hall diin adunay bayad nga 200 pesos matag pet dog nga dad-on ug Hair Share (hair exhibit) sa Oktubre 10 didto sa Ayala Activity Center.

Karong Oktubre 22, adunay concert ang maanyag nga singer nga si Nina didto sa Terraces sa Ayala ug adunay laing concert sa mosunod nga adlaw nga gitawag og Think Pink Concert didto gihapon sa Ayala ug usa kini ka rock concert.

Mopahigayon sab sila og Autism conference didto sa SM Trade Hall sulod sa duha ka adlaw karong Oktubre 23 ug 24.

Ang mga proyekto niini nga makahatag og gamay’ng hinabang ngadto sa mga kabus natong kaigsoonan dinhi sa Sugbo angayan lang daygon ug hinaot nga dili lang unta mga Rotarians maoy mopasiugda niini apan sundon unta kini sa ubang mga sektor.

Dihang gipangutana nako ang usa sa mga sakop sa working committee niining maong kalihokan nga si May Anne Solomon nganong pink man ang nahimong team sa Oktubre, mitubag siya nga ang Pink maoy simbolo sa pagka-babaye.

Nakahinumdom ako sa salidang kabahin sa espiya nga gi-ulohan og Hunt for the Red October. Akong gi-ingnan si May Anne nga angayan kining buhatan og sequel ug ang title “Month for the Pink October”.

Miscellaneous. Congratulations to the Ateneo Blue Eagles for winning the UAAP crown in its 73rd season via a two-game sweep against the FEU Tamaraws last Thursday at the Araneta Coliseum to complete a rare grandslam feat. My friend Jack Huang, an Ateneo alumni and all his peers here in Cebu are overwhelmed of this great achievement by the Ateneans. Boss Jack is expected to celebrate another Blue Party in honor of the team, the True Blue Ateneo. My friend Tony Boy Lisondra, a jeepney driver of Blue jeep GVU-538 plying the Mambaling-Cebu City route and vice versa, wants to congratulate his friend Junjun Absin who got married last September 18 to the former Rose Vic Marcelo of La Libertad, Negros Oriental. (BANAT NEWS)