1st St. Peter Life Run gitakda sa Okt. 24

CEBU, Philippines - Usa sa mga inilang funeral parlor dinhi sa Sugbu ang mopasiugda'g lumba sa dagan nga uloha'g "1st St. Peter Life Run" karong Oktubre 24 diha sa SM City-Cebu grounds.

 Lahi sa naandang registration fee, ang mga organizers sa maong fund run mitanyag lang og P50 nga registration fee sa tulo ka dibisyon -- 10K, 5K ug 3K nga eksklusibo lamang sa St. Peter plan holders ug mga kawani.

Sa maong kantidad makatabang na usab ang mga runners sa pagtigom og salapi nga ihatag ngadto sa Bantay Bata 163 nga maoy beneficiary sa maong lumba.

Si Ven Torres, ang St. Peter Plan representative miingon atol sa press conference sa The Nook sa City Sports Club-Cebu kagahapon, nga ang kalihukan usa sa mga highlights sa ilang 40th anniversary.

Adunay kinatibuk-ang P36,000 nga ganting salapi ang ihatag ngadto sa mga top performers.

Ang registration sugdan karong adlawa diha sa ROX sa Active Zone sa Ayala Mall, Toby’s Sports ug SM City-Cebu. – BANAT NEWS