USJ-R, SWU manalipod sa titulo

CEBU, Philippines - Mahibaw-an na kun kinsa gayod ang labing maayong koponan sa volleyball niini nga season sa Cebu Schools Athletic Foundation Inc. (CESAFI) diin upat ka lig-ong teams ang magsangka alang sa korona karong adlawa diha sa University of San Carlos (USC)-main gym.

Human makalabang og pito ka lawod sa semifinals, ang University of San Jose-Recoletos (USJ-R) Spiking Jaguars nakaangkon na sab og higayon aron modepensa sa ilang titulo, apan mosagubang na sab kini og laing bug-at nga misyon kay gubaton nila ang gikahadlokan nga University of Southern Philippines Foundation (USPF) alang sa women's division championship.

Ang USJ-R ni coach Grace Antigua maninguhang modaog aron magpabilin sa ilang trono ug aron usab maangkon ang talagsaong grandslam title.

Sa women's division, usa ka dumot nga rematch ang mahitabo tali sa reigning titlist SWU ug sa University of Southern Philippines Foundation (USPF).

Sa miaging tuig, ang SWU nangayo pa og lima ka set una nila gipilde ang USPF aron maoy manag-iya sa korona.

Sa buntag mag-ilog alang sa ikatulong dapit ang USC ug University of the Visayas (UV) alang men's division, samtang USC batok USJ-R sa women's class.  – BANAT NEWS