CEBU, Philippines - Gisuwerte ang duha ka koponan gikan sa Pitogo dihang mikulit kini og daog sa nagpadayong aksiyon sa 1st Mayor Teresa P. Alegado Cup Consolacion Fiesta Basketball League didto sa Consolacion Sports Complex.
Ang Pitogo naka-eskapo bitbit ang 57-54 nga kadaugan batok sa Lamac sa Inter-Barangay category, samtang ang ilang counterpart sa Sangguniang Kabataan (SK) division milubong sa Polog, 75-43.
Sa laing duwa, ang Casili mipilde sa Danglag sa iskor nga 74-67, samtang ang Tayud milubong sa Pulpogan, 70-59 ug ang Jugan midaog sab sa Nangka, 75-72.
Ang duha ka buwan nga torneyo gipasiugdahan ni executive committee chairman Julius Alegado, sports director Nilo Ferraren, Association of Barangay Council (ABC) president Gelio Maquilan ug SK Federation chairperson Madel Hyacinth Herrera. Ang technical gidumala ni sports commissioner ug kanhi FEU Tamaraws cager Paul Alelu Q. Flores.
Puntos Matag Usa
(SK Division)
Pitogo (75) - Ygot 15, Songalia 11, Belza10, Abarquez 9, Ygot 8, Palacio 8, Rizarri 5, Conde 5, Ortiz 3, Auman 1
Polog (43) - Owatan 16, Pepito 10, Capangpangan 4, Magale 4, Talisic 3, Lahoy-lahoy 2, Herbieto 2, Alin 2
(Inter-Barangay)
Pitogo (57) - Maglasang 13, Nillas 12, Pepito 7, Lauron 7, Conde 5, Guimbal 4, Maglasang 4, G. Maglasang 3, Quiñahan 2
Lamac (54) - Larobis 15, Imperial 14, Baguio 10, Bihag 6, Mendoza 4, Pales 3, Quiapo 2. – BANAT NEWS