CEBU, Philippines - Magtigi na ang Cansojong ug Tabunok alang sa titulo sa Seniors division sa Talisay City Mayor's Cup 2010 karong gabii diha sa Talisay Sports Complex.
Sa dili pa ang ilang kumbati sa alas-8:30 sa gabii, magsangka una ang Tanke ug Poblacion alang sa ikatulong puwesto nga gikatakda sa alas-7 sa gabii.
Gipamatud-an sa Cansojong nga sila gihapon ang labing lig-on nga koponan sa Talisay human nila maangkon ang kahigayonan aron modepensa sa ilang titulo ug ning higayona batok sa top-seeded Tabunok.
Pinangulohan nila ni Rodolfo Enterina, Heroche Molero ug kanhi MVP Roger Ray Pogoy, ang Cansojong tinguha karon nga mopakita sa ilang kadominante sa hardcourt batok sa one-two punch sa Tabunok nga sila si Arvie Caballero ug Celso Colegado. – BANAT NEWS