Kinadlitay sa SRP

CEBU, Philippines - Usa sa labing lig-on nga car racing team sa Sugbu nga mao ang Team No Care Racing (NCR)   mopakita na sab sa ilang abilidad sa Philippine Autocross Championship Series 2010 karong Sabado diha sa South Road Properties (SRP).

Sa labing unang higayon, ang Team NCR sa pagpangulo ni Alan 'Big Al' Choachuy, mogamit og Lifan Cars, usa ka matang sa sakyanan nga gigama didto sa China ug giusab kini didto sa Europa ug Japan.

Si Dennis Corro, ang labing unang racer sa Team NCR nga nakapadagan sa Lifan atol sa ilang practice race kagahapon didto sa Kartzone sa Panagdait, Brgy. Mabolo, miasoy nga maayo nga drayban ang maong matang sa sakyanan tungod kay gamay kini ug sayong maneobrahon sa likuon nga race tracks.

Gawas nila ni Choachuy ug Corro, mokompleto sa powerhouse line-up sa Team NCR mao sila si Jong King, Phillip Lim, Bobby Pangilinan, Anthony Khe ug Eric Canama.

Mga kategoriya nga ilang apilan mao ang Novice Stock A, B ug C, Experience Stock A, B ug C, All Wheel Drive class, Sports Car class, Subaru class, Front wheel drive, Rear wheel class ug Toyota class.

“We are aiming for another good performance,” matud ni Choachuy. “Target nako tulo ka first place.” – BANAT NEWS