Cansojong, Bulacao daog

CEBU, Philippines - Duha ka championship contenders Cansojong ug Poblacion I ang mipakita sa ilang taras human   gilubong ang tagsa-tagsa nila ka mga kaatbang sa senior's division sa Talisay City Mayor's Cup basketball tournament didto sa Talisay Sports Complex.

Ang Cansojong milampurnas sa Lagtang sa iskor nga 86-71, samtang gilubong sa Poblacion I ang Dumlog sa iskor nga 91-76.

Sila si Herbert Abasanta, Herochi Molero ug Roger Pogoy mipatuasik sa ilang mga puntos alang sa Cansojong nga mirehistro sa labing daku nilang labaw nga 20 puntos, 60-40 sa 3:41 sa third period ug wala na kini molingi pa sukad niadto hangtod nga nahurot ang oras sa ilang duwa.

Sa laing bahin, ang Poblacion sa pagpangulo ni Jerome Villaver miguba sa lig-on nga depensa nga gipatuman sa Dumlog aron pagposte og 85-70 nga bentaha sa katapusang dos minutos sa duwa.

Si Villaver maoy leading scorer sa iyang 31 puntos, samtang si Greggy Bonjoc midugang og 17 puntos alang sa Poblacion I. Nangulo sa pilderong Dumlog mao si Marsun Tabay nga miposa og 25 puntos.

Sa sayo pa, mipunit na usab og daog ang Bulacao pinaagi sa pagpilde sa Pooc, 89-78, sa SK division.

Puntos Matag Usa

 (SK Division)

Bulacao (89) - Valmoria 26, Aruan 15, Ando 10, Bernabe 9, Mabalcon 8, Pacible 6, Minerva 5, Empuerto 4, Rosagenia 4, Briones 2

Pooc (78) - Labica 23, Delos Reyes 10, Obeso 10, Resuena 10, Baay 10, Solis 7, Tang 4, Abasado 2, Lacre 2

 (Seniors Division)

Unang duwa:

Cansojong (86) - Abasanta 26, Molero 16, Pogoy 14, Rosagaran 7, Salgado 6, Del Rosario 4, Heredia 4, Pogoy 3, Cabrera 2, Enterina 2, Labajo 2

Lagtang (71) - Navaja 20, Araniega 11, Laborada 10, Aguilar 10, Derain 9, Alob 5, Camacho 2, Damalerio 2, Campo 2

Ikaduhang duwa:

Poblacion I (91) – Villaver 31, Bonjoc 17, Garce 14, Gallarde 12, Dejan 8, Sab-a 5, Agudo 4

Dumlog (76) – Tabay 25, Canillo 17, Seguerra 8, Reyes 7, Gabaca 7, Cabigas 6, Obeso 4, Navaja 2. – BANAT NEWS