Gemmary Pawnshop, BSBA mipatigbabaw

CEBU, Philippines - Gipamatuod sa Gemmary Pawnshop ug BSBA nga dili tiaw ang ilang gipakitang duwa atol sa LLBA Rollway tune-up games didto sa Agus gym sa Lapu-Lapu City.

Ang Gemmary Pawnshop mipukan sa LLBA sa iskor nga 80-75, samtang ang BSBA mipilde sab sa Sunday Club, 75-67.

Gipangulohan ni kanhi UC Webmasters Julius Gastador ang Gemmary Pawnshop pinaagi sa iyang 25 puntos. Ang naparot nga LLBA gipangulohan sab ni Glenn Aying, kinsa miposa og 23 puntos ug si Jimboy Igot miamot og 19 puntos.

Sa laing bahin, si Pompie Ngujo miantog og 14 puntos ug si Ernie Giganto mitimbre og 12 puntos aron pangulohan ang BSBA ni team manager Renato Casinillo, kinsa miamot og otso puntos sa maong kadaugan.

Nangulo sa pilderong Sunday Club mao si Centes Brañanola, kinsa milansang og 21 puntos, gisundan ni Alan Sepe nga adunay 16 puntos.

Puntos Matag Usa

Unang duwa:

GEMMARY PAWNSHOP (80) - Gastador 25, Gonzaga 9, Oliveros 9, Medina 7, Philipro 7, Gonida 6, Robello 5, Medina 5, Yncierto 3, Oyao 3

LLBA (75) - Aying 23, Igot 19, Manilag 13, Ceniza 6, Ompad 4, Ouano 3, Villamor 2, Medina 2, Magat 2

Ikaduhang duwa:

BSBA (75) - Ngujo 14, Giganto 12, Sidra 11, Casinillo 8, Sayson 6, Enriquez 5, Abing 5, Godinez 4, Dela Rama 4, Lito 3

SUNDAY CLUB (67) - Brañanola 21, Sepe 16, Almacin 9, Dignos 7, Llenes 4, Palad 4, Diongson 2. – BANAT NEWS