CEBU, Philippines - Mopahigayon na usab ang Thursday Club-Jugan, Consolacion sa ilang tinuig nga Inter-color basketball tournament nga pormal sugdan karong Septiyembre 23 diha sa Jugan gym sa nahisgutang dapit.
Ang duwa sugdan sa alas-7 sa gabii.
Upat ka teams ang magtigi alang sa korona ug kini mao ang White, Green, Red ug Blue.
Ang Thursday Club gipangulohan sa ilang presidente Hon. Dado Ygot ug sa iyang bise presidente nga si Boboy Pepito.
Ang board of directors naglakip nilang Jugan barangay councilors Tony Pepito, Josie Cabahug ug Jaime Pilapil.
Lain pang mga sakop sa board mao sila si Jerome Taborada, Boy Dumadag, Aneck Tajale, Victor Kho, Michael Ernie, Tino Valle ug Raul Rodrigo. (BANAT NEWS)