POC, PSC magpupulong
MANILA, Philippines - Nakatakdang mag-usap ngayong araw ang mga kinatawan ng Philippine Olympic Committee (POC) at Philippine Sports Commission (PSC) para pag-usapan ang mga kakailanganin ng delegasyon sa 16th Asian Games sa Guangzhou, China.
Pangungunahan nina POC spokesman Joey Romasanta, ang tumatayong Chef De Mission ng national contingent sa 2010 Guangzhou Asiad, at PSC Commissioner Chito Loyzaga ang naturang pulong.
Isa na rito, ayon kay Romasanta, ay ang proseso ng pagbiyahe ng national contingent sa Guangzhou, China.
“Ang crucial dito ay ‘yung timing ng mga departures, ‘yong papuntang Guangzhou at tsaka ‘yung pabalik,” sabi ng Chef De Mission. “Iyong papuntang Guangzhou, medyo sabay-sabay but then again ‘yung pabalik ay hiwa-hiwalay naman.”
Sinabi pa ni Romasanta na dalawang eroplano lamang ang bumibiyahe papuntang Guangzhou.
- Latest
- Trending
