CEBU, Philippines - Mipauwan og triples si James Laygo aron pangulohan ang Team Mandaue pagpukan sa AC Sports, 86-84 alang sa ilang ikaduhang daog sa open division sa Talisay City Mayor's Cup Basketball Tournament didto sa Talisay City Sports Complex. Gipakita ni Laygo ang iyang pagka-tirador sa three-point area diin mitusak kini og upat ka sunod- sunod nga triples aron hatagan ang Team Mandaue og sayes puntos nga bentaha, 29-23.
Nagpadayon ang kamangtas ni Laygo sa final period ug mibuhi siya og duha ka triples.
May purohan unta ang AC Sports nga maka-overtime, apan nakahimo kini'g turnover sa nahabiling 2.1 segundos sa duwa nga maoy mihatag og daog ngadto sa Mandaue.
Sa sayo pa, si Joseph Villaver miayag og 18 puntos aron pangulohan ang Tabunok paglubong sa Mohon, 102-55 sa seniors division.
Puntos Matag Usa
(Seniors Division)
Tabunok (102) - Villaver 18, Colegado 15, Caparida 13, Scares 10, Abatayo 8, Gersua 8, Cabanero 8, Rabaya 6, Baltazar 6, Jagupit 6, Campo 5
Mohon (56) - Dela Cerna 11, M. Cabigas 10, Echavez 8, Campo 8, Guillemer 6, Bregondo 5, Duron 4, Villaver 2, Cabigas 2
(Open Division)
Team Mandaue (86) - Laygo 23, Berami 11, Abadia 10, Latonio 9, Demape 8, Villaver 8, Butel 7, Caputulan 4, Tabasa 4, Garcia 2
AC Sports (84) - Rodriguez 23, Daculan 18, Galinato 8, Guangco 7, Tigbas 5, Jueves 4, Espinosa 2. – BANAT NEWS