Martial Arts showdown sa Cumpang

CEBU, Philippines - Ang Dragon Hart Martial Arts Training Center mopahigayon sa labing unang Cumpang Martial Arts nga uloha'g "Showdown of Champions" karong Septiyembre 17 diha sa Cumpang Community Stage sa Tayud, Liloan.

Ang pinaksitay sugdan sa alas-7 sa gabii.

Pagasalmotan kini sa mga maayong laki sa natad sa combat gikan sa nagkalain-laing dapit sa Sugbu.

Ang 1st Cumpang Martial Arts, usa sa mga highlights sa tinuig nga kapistahan sa ilang mahal nga patron Santa Teresita karong Septiyembre 18.

Niadtong buot mosalmot, mahimong motawag ni show director ug chief instructor Dann Diaz sa 09321637069 o bisitaha ang Dragon Hart sa Cumpang, Liloan.

Usa sa mipaluyo sa maong showdown mao si Delia Hart, ang presidente sa Dragon Hart Martial Arts Training Center sa Cumpang, uban sa iyang general coordinator nga si Marvin Besabella.

 Gipaluyohan sab kini sa Brilliant Metalcraft, Lasting Marketing, Nature's Spring, ug ang T.C.E Tackles Inc. (One Stop Sports Fishing Equipment Shop). Mihatag sab og suporta si chapel president Placido Oberes ug kaubanang opisyales. – BANAT NEWS