"Paboksing sa Barangay" sa Guadalupe

CEBU, Philippines - Lab-as pa sa ilang kampanya niadtong miaging semana didto sa Tagbilaran, ang mga notadong amateur boxers dinhi sa Sugbu mopakita na usab og aksiyon batok sa tagsa-tagsa nila ka mga kaatbang sa “Paboksing sa Barangay” karong gabii diha sa Brgy. Guadalupe, ning siyudad.

Sama sa gihapon, ang mga top amateur prospects gikan sa Cebu City Sports Center (CCSC) stable mao ang mangulo sa Team Cebu batok sa mga boksidor gikan sa Sta. Cruz stable sa Talisay, Sanai stable sa Lapu-Lapu, Omega Boxing stable ug sa Rex "Wakee" Salud (RWS) gym.

Sila si Rodex Piala, Jay-R Barroma, Raymund Empic Allan, Ramjes Colina,Junrel Jimenez, Ahlil Ala, John Kenan Villaflor, Nickjoy Bacalso, James Castel, Anthony Coral, Zorro Babel Alsola ug managsuong Ian ug Allan Refuella maoy maglangkob sa CCSC boxers.

Ang “Paboksing sa Barangay” usa lang sa mga proyekto sa Cebu City Sports Commission ubos sa pagpangulo ni commissioner Lorenzo 'Chao' Sy. 

Gawas sa Paboksing sa Barangay, ang CSC mopahigayon sab og boxing clinic matag Sabado sa nagkadaiyang barangay sa siyudad sa Sugbu. – BANAT NEWS