CEBU, Philippines - Usa sa mga sinaligan sa University of Cebu (UC) men’s team ang nahiagom og injury nga nakapiang alang sa ilang title campaign sa Cebu Schools Athletic Foundation Inc. (CESAFI) volleyball tournament.
Si Rico Ramirez, ang open ug angle spiker sa UC ang dili na makaduwa sa tibuok CESAFI season human makaangkon og injury atol sa ilang duwa batok sa University of the Visayas (UV) niadtong miaging adlaw diha sa Aznar Coliseum diin ang naulahi midaog sud sa upat ka sets.
Ang kinagamyang kumagko sa walang kamot ni Ramirez nabuak human sa dili maayong posisyon samtang mibabag kini sa kusog nga atake ni James Ylanan sa UV sa sayong bahin sa second set.
Si Ramirez gidali pagdala ngadto sa St. Vincent Hospital diin siya gipaubos og surgery ug gikinahanglan siyang mopahulay gikan sa upat ngadto sa unom ka bulan. – BANAT NEWS