Golden Life Store maoy kampiyon sa HFBC caging

CEBU, Philippines - Gipilde sa Golden Life Store ang karibal nilang San Roque, 110-100 aron pagsakmit sa kampiyonato sa Holy Family Basketball Club (HFBC) cagefest diha sa Wilfredo Memorial Sports Complex sa Brgy. Mabolo, ning siyudad.

Ang forward sa Golden Life nga si Jhonny Bargamento maoy miaswat sa iyang koponan ngadto sa kadaugan pinaagi sa iyang 20 puntos nga igo na kaayo alang kaniya nga ilhong MVP.

Gipugngan sa Golden Life ang dos puntos nga labaw, 98-96 sa nahabiling 5:32 sa duwa, apan nailog kini sa San Roque human sa tres ni Cidni Basubas.

Nagbinayloay og mga puntos ang duha ka koponan,   apan napunta gihapon sa Golden Life ang katapusang baraha human sa ilang 9-3 rally sa pagpangulo ni Bargamento ug Picard Adolfu alang sa komportable nilang 107-98 nga labaw sa katapusang 13 segundos sa duwa.

Si Marvin Yap, ang chairman sa HFBC league, mao   ang midunol sa championship trophy ngadto sa Golden Life. Si Yap misaad nga mas daku nga liga ang ilang giandam alang sa sunod season. (BANAT)