CEBU, Philippines - Milampos ang N&A Steel sa ilang tinguha pag-angkon sa ikatulo human makalingkawas batok sa 15 30 Store, 142-137 sa Holy Family Basketball Club (HFBC) tournament niadtong miaging gabii diha sa Wilfredo Memorial Sports Complex sa Brgy. Mabolo, ning siyudad.
Wala kaayo hatagi'g pagtagad sa duha ka koponan ang depensa, apan ang pagpasulod sa ilang mga tira maoy gitrabaho nga miresulta sa panagtabla sa halftime, 69-all.
Wala gihapon maukal ang sikit kaayong duwa sa duha ka kampo sa third period, apan ang N&A kalit nga miinat sa labaw dihang sila si Junjun Diola ug Yan-Yan Marquez miposa og 3-point shots aron hatagan ang ilang koponan og 89-84 nga labaw sa nahabiling 2:12 sa maong kuwarter.
Mihulga ang 15 30 Stores sa tunga-tungang bahin sa final period sa pagpangulo ni Badong Cortes, apan ang N&A padayong mikontrolar sa ilang labaw hangtod na sa pagkahurot sa oras.
Puntos Matag Usa
N & A STEEL (142) - J. Diola 20, Y. Marquez 18, A. Gabizon 18, M. Diola 16, A. Diola 14, N. Diola 10 O. Armecin 10, T. Ortiz 10, A. Roy 10 F. Lepiten 8 B. Cabawasan 8
15 30 Store (137) - B Cortez 25, R. Tugao 22, E. Maramara 18 R. Ortiz 16, O. Diola 14 M. Yap 10, P. Cabasa 8, C. Opolintizema 8, J. Catalan 8, R. Militante 8. – BANAT NEWS