Delos Santos reyna sa Run for St.Augustine

CEBU, Philippines - Batok sa mga kanhi top women runner sa Sugbu, gipamatud-an ni Mary Grace delos Santos nga angayan siya sa titulo nga “Queen of Cebu Run” dihang iyang gisakmit ang kampiyonato sa 10k run “Run For St. Augustine” kagahapon didto sa The Terrace sa Ayala Center-Cebu.

Si Delos Santos, ang back-to-back half marathon champion maoy nag-una og labang sa finishline, gisundan sa mga beteranang runners nga sila si Madelyn Carter ug Christy Sevilleno.

Samtang si Ian Bernido mipahimus sa kahigayunan nga wala ang Kenyan nga si Simon Losiaboi pinaagi sa pag-angkon og titulo sa men’s class. Gipukan ni Bernido si Roland Montebon alang sa kampiyonato ug si Riez Enriquez maoy migawas nga third placer.

Gawas sa mga top runners, gatusan usab ka mga tinun-an gikan sa nagkadaiyang unibersidad dinhi sa Sugbu ang nanagan sa 5k ug 3k fun run sa lumba nga gipasiugdahan sa University of San Jose-Recoletos (USJ-R) (BANAT)