Try-out sa booters nga buot masakop sa RP Team

CEBU, Philippines - Adunay kahigayonan ang mga Sugbuanang football players nga masakop sa nasudnong koponan kun sa higayon makapakita kini og impresibo nga labok atol sa try-out nga gitakda ugma diha sa Aboitiz Sports Field sa Barangay Subangdaku, dakbayan sa Mandaue.

Ang try-out bukas ngadto sa female players nga nagpangedaron og 16-anyos ug paubos.

Si kanhi RP Team member ug karon RP Under-16 head coach Leticia Bautista maoy modumala sa try-out nga gipasiugdahan sa Cebu Football Association (CFA).

Ang try-out himuon human sa opening ceremony sa 13th Aboitiz Football Cup. – BANAT NEWS