Caballero miposa'g 40 puntos sa FYA

CEBU, Philippines - Nakamugna og talagsaong rekord si Dexter Caballero pinaagi sa pag-iskor og 40 puntos diin 20 puntos iyang nahimo sa first quarter aron pangulohan ang Park 'N Go Bakeshop paghaon og daog batok sa Simpoang Bakbeyugan sa F. Llamas Youth Association (FYA) basketball tournament niadtong Martes diha sa Vicente Sotto Memorial Gym sa Brgy. Punta Princesa, ning siyudad.

Sa sayo pa, ang Leo & Rolly midaog sab batok sa Kharoz sa iskor nga 94-91.

Si Botoy Tabares maoy nangu sa Simpolang sa iyang 21 puntos, samtang sila si Ryan Villaver ug Nico Laborte mitampo og 17 puntos matag usa, apan daw sa nagkaguliyang ang ilang opensa sa first period hinungdan nga mihakot og 20 puntos si Caballero sulod lang sa maong kuwarter.

Sa laing bahin, si Royce Sonsona maoy nangu sa Leo & Rolly pinaagi sa iyang 34 puntos, samtang laing duha ka teammates ang mi-iskor sab og double figures.

Ang Kharoz gipangulohan ni Bambam Cabanday, kinsa misakmit og 26 puntos, gisundan ni Rocky Macachor nga adunay 18 puntos.

Ang top two teams human sa elimination round sunod otomatik nga makakuha og lingkoranan sa semifinals.

Ang FYA tournament gipaluyohan ni tournament director Boogie Atillo ug Punta Princesa brgy. councilor Ray Gabriel Salgado.

Puntos Matag Usa

Unang duwa:

Leo & Rolly (94) - Sonsona 34, Tundag 14, Marata 12, B. Endrina 8, Endrina 4, Abella 2, A. Abella 2

Kharoz (91) - Cabanday 26, Macachor 18, Llegunas 10, Dela Cerna 8, Dacayana 6, Archie 2, Trinidad 1

Ikaduhang duwa:

Park ‘N Go (106) - Caballero 40, Reubal 20, Tolentino 12, Lopez 12, Rama 9, Lanojan 4, Osorio 2, Anug 2

Simpolang (92) - Tabares 21, Villaver 17, Laborte 17, Aglipa 8, Medalle 8, Labrador 7, Cadungog 5, Gelbolingo 5, Canete 2, Jodon 2. – BANAT NEWS