Carolino, Suwaybaguio nanghawod sa Silliman Run
CEBU, Philippines - Wala magmahay sila si Jobert Carolino ug Aiza Suwaybaguio sa ilang pagpalahi og dagan dihang ilang gidominar ang tagsa-tagsa nila ka dibisyon sa Silliman University Run niadtong Domingo diha sa The Terraces sa Ayala Center-Cebu.
Si Carolino maoy miangkon sa titulo sa 10K men’s dihang iyang gipilde si Adonis Singson. Si Carolino mitapos sa lumba sa oras nga 33:53.11, samtang si Singson milabang sa finish line sa oras nga 34:25.14. Si Reprinel Banzon mitungtong sa ikatulo sa oras nga 34:49.20.
Sa laing bahin, si Suwaybaguio misutoy sa pagdagan aron dag-on ang korona sa 10K women’s division.
Gitapos ni Suwaybaguio ang dagan sud lang sa 44:37.95. Mipahiluna sa ikaduha ug ikatulo nga dapit mao sila si Sharon Vega (45:11.53) ug Maricar Duran (1:04.04.30).
Sa 5K division, sila si Ian Bernido (16:58.86) ug Crizel Diongson (22:04.98) maoy mipatigbabaw sa tagsa-tagsa nila ka dibisyon, samtang sila si James Noval (10:19.48) ug Lorna Olarita (11:02.23) mao usab ang labing paspas sa 3K run.
- Latest
- Trending
