CEBU, Philippines - Bisan pa sa presensiya sa mga top local ug international runners, nakuha gihapon ni Kenyan missionary Simon Losiaboi ang korona sa 21K men’s open sa Aboitiz Race to Reduce Challenge sa miaging adlaw didto sa South Road Properties (SRP).
Hinuon, naglisud si Losiaboi sa maong lumba tungod kay wala kaayo siya kabuwelo sa unang singko kilometros tungod sa pagsakit sa iyang tiil. Si Losiaboi milampos paglabang sa finish line sud sa 17 minutos ug 14 segundos.
Gisundan siya sa taga-Davao nga si Elmer Bartolo, kinsa mi-oras og 1:13.03, samtang ang coach ni Delos Santos nga si Sherwin Managuil maoy mipahiluna
sa ikatulo sa oras nga
1:16.03.
Sa pikas bahin, human siya mikutlo og bag-ong rekord sa 25K marathon, si Delos Santos milangkat na usab og laing titulo sa 21K women’s class dihang iyang gidominar ang lumba sud sa oras nga 1:23.06.
Ang beteranang si Madelyn Carter napunta sa ikaduhang dapit sa oras nga 1:40.40, samtang si Mereeis Ramirez maoy mi-okupar sa ikatulo sa oras nga 1:43.06.
Padayon usab sa miani og daog si Mary Joy Tabal diin iyang gidominar ang women's 10K run, samtang si Philip Dueñas maoy naghari sa men’s open.
Si Jorry Ycong mao ang nanghawod sa men's 5K run, samtang si Sheena Gacayan mao sab ang nanghawod sa women’s class. Sila si Errold Monica ug Maria Monica mao ang mipatigbabaw sa 3K fun run.