Bautista nagpanikad

CEBU, Philippines - Dili moila si ALA knock-out artist Rey 'Boom Boom' Bautista bisan pa og ig-agaw ni legendary Mexican boxer Marco Antonio Bautista ang iyang kontra nga si Alejandro 'Zorrito' Barrera sa main event sa "Philippines vs. World" karong Sabado diha sa Waterfront Cebu City Hotel and Casino.

Ang garbo sa Candijay, Bohol nga si Bautista naghinam-hinam na nga mosaka pagbalik sa ring ug alang kaniya walay suwerte si Barrera kay mao kini ang mapahimungtan sa iyang kabangis.

Si Bautista, kinsa anaa na sa hustong kondisyon atol sa iyang public workout didto sa SM City-Cebu, wala mosaad og knockout, apan iya kining buhaton kun makahigayon.

Gawas ni Bautista, laing tulo ka mga Pinoy nga mosangka sa boxing card nga gipasiugdahan sa ALA Boxing Promotions ug ABS-CBN Sports, mao sila si Jimrex 'The Executioner' Jaca, Milan 'Melinyo' Melindo ug ang comebacking nga si Florante 'Little Pacquiao' Condes.

Ang mga Pinoy mohimamat sa ilang tagsa-tagsa ka mga langyaw'ng kontra sa final press conference karong Huwebes sa buntag diha sa Waterfront Cebu City Hotel. Inig ka Biyernes himuon ang official weigh-in sa mao gihapon nga binyu.