Cardona maoy star player sa Meralco

CEBU, Philippines - Wala gyud maglangan ang Meralco sa pagkuha sa ilang gikinahanglang franchise player agi’g pagpangandam sa ilang pagbalik og salmut sa umaabot nga season sa PBA, kini human nila gikuha ang superstar nga si Mac Mac Cardona gikan sa Talk N’ Text.

Human mahitsas ang ilang coaching staff, daling giasikaso sa Meralco ang pagpalig-on sa ilang line-up pinaagi sa pagpahigayun og pipila ka trades diin ilang nakuha ang forward nga si Beau Belga gikan sa Air21 ug Cardona gikan sa ilang sister team nga Talk N’ Text.

Sa interbiyu sa PBA.com.ph, si Meralco headcoach Ryan Gregorio mao mismo ang mikompirmar sa taho nga moduwa na kanila si Cardona sunod season, human sa usa ka three-team, four-player deal uban sa Air21 ug TNT. (BANAT)