Nietes naidepensa ang titulo

MANILA, Philippines - Maagang trinabaho ni Donnie “Ahas” Nietes si Me­xican challenger Mario Rodriguez upang maisan­tabi ang mahinang pagtatapos tungo sa matagumpay na pagdepensa sa hawak na WBO minimumweight title kahapon sa Auditorio Luis Estrada, Medina, Guasave, Sinaloa, Mexico.

Ang 28-anyos na si Nietes ay umiskor kay Rodriguez gamit ang mga malulutong na kaliwang uppercuts at hooks na naging puhunan para makuha ang pagsang-ayon ng tatlong hu­rado para sa kanyang ika­apat na matagumpay na pagdepensa sa titulo.

Si judges Levi Martinez ay nagbigay ng 119-109, si Alejandro Lopez Cid ay naggawad ng 118-110 iskor at 116-112 naman ang ibi­nigay ni Thomas Nardone lahat para kay Nietes na nakuha ang ika-27 panalo sa 31 laban.

Ito rin ang ikatlong su­nod na pagkakataon na na­nalo si Nietes sa Mexico na isa ring makasaysayan kung Philippine boxing ang pag-uusapan.

Bago si Rodriguez ay sinagupa muna ni Nie­tes sina Erik Ramirez at Ma­nuel Vargas noong Pebre­ro 28 at Setyembre 12 no­­ong nagdaang taon at nanalo sa pamamagitan ng unanimous decision at split decision, ayon sa pag­­­­kakasunod.