Inayawan, Guadalupe abot sa finals

CEBU, Philippines - Gipalagpot sa topseeds   Inayawan ug Guadalupe ang ilang mga karibal aron maoy mag-abot sa "best-of-three"    finals showdown sa Conor Cup sugod karong gabii diha sa Mambaling Sports Complex.

Pungtanon kaayo nga gipukan sa Inayawan ang fourth-ranked Pardo, 93-68, samtang ang Guadalupe mipabuhagay og 7-1 nga rally sa katapusang dos minutos aron pagpaluhod sa San Nicolas Proper, 87-83.

Sila si Joseph Guangco ug Robert Abasolo maoy topscorers sa Inayawan uban ang 21 ug 17 puntos matag usa.

Sila si Ope Abellana ug Airland Tulda mao sab ang nangulo sa Pardo nga nagkumboya og 35 puntos.

Sa laing bahin, ang Guadalupe hoopsters mihimo'g mainitong rally sa fourth period aron maka-eskapo gikan sa mga kamot sa San Nicolas.

Ang Guadalupe nabiyaan og nuybe puntos, apan hinay-hinay kining gipapas sa Guadalupe ug gitabla ni Alex Cainglet ang iskor pinaagi sa usa ka krusyal nga three-pointer, 80-all sa nahabiling 2:08 sa duwa.

Si Angelmars Gacho maoy nakapalabaw og balik   sa Guadalupe, 84-82, samtang ang split charities ni Wilson Gabucan naghatag og 85-83 nga bentaha sa katapusang 7.4 segundos. 

Si Alex Cainglet maoy topscorer sa Guadalupe pinaagi sa iyang 21 puntos, samtang si Wilson Gabucan mibugha og 19 puntos, gisundan nilang Abe Galinato ug Gacho nga miamot og 16 puntos matag usa.

Ang San Nicolas nagsalig sa tandem nilang ex-pro Danny Aying ug Reyland Jumalon nga nagkumboya'g 39 puntos.

Puntos Matag Usa

Unang duwa:

Inayawan (93) - Guangco 21, Abasolo 17, Toroy 12, Jueves 11, Cabrera 9, Bacalso 6, Baguio 6, Dico 4, Cabo 3

Pardo (68) - Abellana 19, Abelong 16, Tulda 8, Jayme 7, Peras 6, Araw-araw 4, Eroy 3, Montillano 2

Ikaduhang duwa:

Guadalupe (87) - Cainglet 21, Gabucan 19, Galinato 16, Gacho 16, Lucena 9, Cosido 6

San Nicolas (83) - Aying 22, Jumalon 17, Cabanero 14, Agpasa 8, Sianson 4, Sare 3, Encorporado 2. – BANAT NEWS