Simpolang, Viking midaog

CEBU, Philippines - Mikulit og daog ang Simpolang Barbecue Haus ug ang Viking Haulers sa 2nd season sa F. Llamas Youth Association (FYA) basketball tournament diha sa Vicente Sotto Memorial Gym sa Brgy. Punta Princesa.

Ang Simpolang nga gipangulohan sa ilang team captain Noel Medalle milubong sa defending champion Leo & Rolly, 110-85, ang Viking mipilde sa Heartfelt Angels, 84-75.

Lima ka players sa Simpolang ang mipabuhagay og double figures pinangulohan ni Medalle sa iyang 19 puntos.

Si Jade Ylanan maoy nangu sa Leo & Rolly sa iyang 22 puntos, samtang si Bornong Endrina midugang og 17 puntos.

Sa laing duwa, ang manghod ni Medalle nga si Baeng maoy nangu sa Viking sa iyang 17 puntos, samtang ang pilderong Heartfelt gipangulohan ni Tata Laborte sa iyang 17 puntos.

Ang FYA gidumala ni tournament director Boogie Atillo ug gipaluyohan ni Punta Princesa brgy. councilor Ray Gabriel Salgado.

Ang Simpolang nagtinguha karong gabhiona sa ilang ikaduhang kadaugan dihang ilang ikabagat ang Angelica.

Puntos Matag Usa

Unang duwa:

Simpolang (110) - N. Medalle 19, N. Laborte 15, Vilaver 12, Tabares 11, Labrador 10, Aglipa 9, Joedon 7, Canete 5, Antiporta 3, Cadungog 2, Basubas 2

Leo & Rolly (85) - Ylanan 22, Endrina 17, Tundag 11, Banzon 10, Marata 9, Zapanta 8, Abella 6, Canete 2

Ikaduhang duwa:

Viking (84) - B. Medalle 17, Limbaga 16, Cabigas 12, Cal 9, Albarracin 9, Canceko 6, Trinidad 5, Sabalande 4

Heartfelt (75) - T. Laborte 17, Masongsong 12, G. Canceko 9, Danding 7, Abella 6, Pardenilla 5, Arreglo 4, J. Canceko 3, Boycello 2. – BANAT NEWS