CEBU, Philippines – Lima ka riders sa Castrol-Quickflight Racing Team nga nagbasi dinhi sa Sugbu ang mihakot og dungog sa bag-o lang natapos nga 1st Wilbor Chua Motocross Competition didto sa Cateel, Davao Oriental.
Ang Castrol-Quickflight nisilhig sa top 3 sa executive class nga giharian ni Joel Andrin, kinsa miangkon sa titulo.
Nagsunod ni Andrin mao sila si Jun Enriquez ug Badok Lopez nga maoy mipahiluna sa ikaduha ug ikatulo nga dapit.
Sa laing bahin, si Ted Conde nilangkat sa ikaduhang puwesto sa premiere sa expert’s class nga gidominar ni Kimboy Pineda.
Si Pepo Rubi, kinsa mibalik sa aksiyon human ma-injury,napunta sa ikaupat nga dapit sa expert’s class. Si Clark Wagas nalabay sa ikalima nga dapit. (BANATSPORTS)