CEBU, Philippines - Nangayo pa og overtime ang host Misamis Oriental Meteors ug ang M. Lhuillier Kwarta Padala-Cebu Niños sa wala pa modaog batok sa tagsa-tagsa nilang kaatbang sa 8th leg sa Tournament of the Philippines (TOP) niadtong Martes didto sa Xavier University Gym sa Cagayan de Oro City.
Si Stephen Padilla namawi sa bugnaw niyang duwa pinaagi sa pagposa og buzzer-beating three-point shot aron tabangan ang Cebu Niños pagkutlo og 91-87 nga kadaugan batok sa Ascof Lagundi Cough Busters.
Ang host Meteors miagi sab og overtime una nila maangkon ang 75-69 nga kadaugan batok sa Hobe Bihon-Taguig City.
Gumikan sa ilang ikaduhang sunod-sunod nga kadaugan, ang Misamis ug Cebu nga padayon pang nagkumbati ning pagsulat, aron pagdeterminar kun si kinsa kanila ang moharos sa tulo ka duwa sa eliminasyon ug makabaton og dugang dos puntos nga bonus, mag-abot na sab sa ikaduhang higayon sa leg championships.
Si Warren Ybañez, kinsa mitapos sa iyang scoring drought pinaagi sa lay-up, maoy nangu sa Cebu sa iyang 20 puntos ug may tagtulo ka rebounds, assists ug steals. Ang leading scorer sa Cebu nga si Padilla mitampo la'g sayes puntos.
Puntos Matag Usa
Unang duwa:
MLKP Cebu (91) - Ybanez 20, Basco 17, Dacia 11, Cruz 10, Ababon 8, Santos 8, Saladaga 7, Padilla 6, Mepana 2, Magsumbol 2
Ascof Lagundi (87) - Asoro 19, Co 15, Aguilar 12, Lanete 9, Smith 8, Gamalinda 7, Canlas 6, Uyloan 4, Manuel 4, Taylor 3
Ikaduhang duwa:
MisOr (75) - Cabahug 25, Saldua 15, Tagupa 11, Raneses 8, Taganas 8, Andaya 4, Lamocha 2, Misa 1, Moreno 1
Hobe Taguig (69) - De Castro 23, Fernandez 13, Gatumbato 9, Vizcarra 6, Sanders 4, Dela Cuesta 3, Tajonera 3, Sta. Cruz 3, Cacha 2, Reguera 2, Guiyab 1. – BANAT NEWS