Rylle Trucking mirumbo na sab sa Rollway Freighters

CEBU, Philippines - Girumbo na sab sa Rylle Trucking ang kontrang Rollway Freighters, 107-102 alang sa ilang sunod-sunod nga daog sa Phase 3 Camella Homes Sunday Basketball Club cagefest didto sa Villa Magallanes gym sa Sta. Lucia Property, Lapu-Lapu City.

Namunga ang mga paningkamot ni Amay Palad uban sa pagbulig nilang Centes Brañola ug Wendel Delos Angeles.

Si Palad, kinsa mikutlo'g 15 puntos niadtong Hulyo 11, mi-iskor og 25 puntos aron pangulohan ang Rylle Trucking. Si Brañola mibirada og 22 puntos, samtang si Delos Angeles miariya og 15 puntos.

Ang Rollway Freighters gipangulohan ni Allen Deñola nga miburak og 26 puntos, gisundan ni Alvin Ocon sa iyang 22 puntos.

Puntos Matag Usa

RYLLE TRUCKING (107) - Palad 25, Brañola 22, Delos Angeles 15, Catampatan 11, Oyanib 11, Regner 8, Sanchez 5, Delgado 4, Delan 4, Ando 2

ROLLWAY (102) - Deñola 26, Ocon 22, Andrino 15, Albeos 13, Rosatase 6, Abel 6, D. Dela Pieza 4, Salinas 4, Regala 2, Omega 2, Lalaguna 2. – BANAT NEWS