Guadalupe, Inayawan gisubha'g daog sa Conor Cup basketball caging

CEBU, Philippines - Gisubhan dayo'g daog ang Guadalupe ug Inayawan teams sa pagsugod sa Mambaling Invitational Basketball Tournament Conor Cup niadtong Domingo sa gabii diha sa barangay Mambaling Sports Complex.

Ang Guadalupe dribblers sa pagpangulo sa beteranong si Alex Cainglet, naka-ipsot bisan pa sa 20 puntos nga gihimo ni Danny Aying aron pagpukan sa San Nicolas Proper, 88-85, samtang yano kaayong nidaog ang Inayawan human nila gilubong ang Tisa sa iskor, 87-69.

Ang Guadalupe nga gipangulohan ni Wilson Gabucan, kinsa miwadwad og 29 puntos, tinguhang mokulit sa ilang ikaduhang daog ugma batok sa Tisa.

Samtang ang San Nicolas nanghinaot nga makabangon sa ilang sangka batok sa Pardo.

Sila si Cainglet ug ex-Jaguar Michael Almonte nagkumboya'g 26 puntos alang sa Guadalupe. Si ex-Lancer Rene Toring miposa'g 15 puntos alang sa miyukbo nga San Nicolas Proper.

Samtang naglisod ang Guadalupe sa pagdaog, yano ra kaayong gilubong sa Inayawan ang Tisa pinaagi sa ilang balanseng opensa diin lima sa ilang players ang mi-iskor og double figures pinangulohan ni kanhi M. Lhuillier Jeweler Baban Bacalso sa iyang 13 puntos ug ang ex-Wildcat nga si Joseph Guangco midugang og 12 puntos.

Ang mga duwa pagadumalaon ni commissioner   Danny Duran, samtang ang iyang mga sakop sa working committee mao sila si Emir Hamis, Dodong Cuatro, Bading Arante, Dodong Lopez, Kitz Medalle, Boy Tabalin, Lando Tabalin ug Dodong Galan.

Puntos Matag Usa

Unang duwa:

Guadalupe (88) - Gabucan 29, A. Caingelt 14, Rufina 14, Almonte 12, Gacho 11, G. Cainglet 4, Galinato 2, Lucero 2

San Nicolas Proper (85) - Aying 20, Caballero 19, Grafe 18, Toring 15, Sianson 5, Sapi 4, Jumalon 4

Ikaduhang duwa:

Inayawan (87) - Bacalso 13, Guangco 12, Abasolo 11, Cabrera 10, Daculan 10, Baguio 8, Dico 7, Cabo 7, Villareal 3

Tisa (69) - Degamo 22, Cabigas 14, Ceballos 13, Bancale 7, A. Armojallas 4, Castillon 3, Armojallas 2 - (BANAT NEWS)