Fernandez, Sta. Cruz morepresentar sa RP
CEBU, Philippines - Nakakuha og pasaporte ang Sugbuanon judokas nga si Joaquin Niccolo Fernandez alang sa 2010 Asian Judo Youth Camp didto sa Bangkok, Thailand.
Si Fernandez uban ni Maria Isabel Sta. Cruz mao lang ang duha sa 100 ka batan-ong judokas dinhi sa nasud nga gihashasan
ang gihatagan og tiket aron maoy morepresentar sa Pilipinas.
Sila si Fernandez ug Sta. Cruz nibiya sa nasud niadtong miaging adlaw uban sa ilang coach Flordeliza Garcia. Adto sila sa Thailand hangtod matapos ning bulana. Ang training program bukas sa mga atleta nga nagpangedaron gikan sa 15 hangtod sa 17 anyos.
Sa tinuod lang, si Fernandez busy sa iyang pagtuon sa University of the Philippines (UP)-Dilliman sa kursong AB Philosophy apan nihukom nga mopahimulos sa maong oportonidad tungod kay tagsaon ra kini sa iyang kinabuhi.
Si Joaquin Niccolo, manghod ni multi-titled judoka Vicente ‘Nonoy’ Fernandez, kinsa nihakot na og daghang dungog dili lamang sa Sugbu, apan sa tibuok kapupud-an. (BANAT NEWS)
- Latest
- Trending
