Heat naglaraw kang Fisher

Human maglumpong sila si Dwyane Wade, Chris Bosh ug Lebron James didto sa Miami Heat, naglaraw sab karon ang Heat nga kuhaon si Derek Fisher, ang point guard sa back-to-back NBA champion Los Angeles Lakers.

Gikatahong nakigkita kang Fisher ang Heat president nga si Pat Riley apan nagdumili paghatag sa iyang kumentaryo ang nauwahi.

Si Fisher midaug sa lima ka korona uban sa Lakers sa kasamtangan nga Kobe Bryant era.

Gawas kang Fisher, naglaraw sab ang Heat pagkuha kang Juwan Howard. Lain mga free agents nga gikursonadahan sa Heat mao sila si Raja Bell, Chris Quinn, Qeuntin Richardson ug Jamaal Magloire.

Sila sab and may katungod pagkuha sa restricted free agent nga sentro nga si Joel Anthony.

Ang Heat aduna'y igong ikahatag nga suholan sa dili pa sila molapas sa salary cap.

Sa nalambigit nga kalamboan, ang losing finalist nga Boston Celtics naglaraw sa pagparima kang Jermaine O'Neal kinsa nag-average og 13.6 puntos ug 6.9 rebounds sa miaging season didto sa Miami.

Makadawat siya'g $12 milyones sa duha ka tuig nga kontrata sa Celtics.

Sa laing bahin, si Carlos Boozer mibiya na sa Utah Jazz ug mipirma sa Chicago Bulls ug lima ka tuig nga kontrata nga nagkantidad og $75 milyones. - GGM gikan sa NBA.com