Bullstag derby sa Banawa

CEBU, Philippines - Giawhag ni promoter Lorenzo 'Chao' Sy ang mga mahiligon og sabong sa pagsalmot sa gipasiugdahan niyang dakung derby karong adlawa diha sa Century Game Club cockpit arena sa Banawa, ning dakbayan.

Ang promotion gitawag og Bullstag derby -- kumbinasyon  kini sa mga tadhan na kaayong hinigtan ug mga bag-o lang gihigtan nga may pangedaron pa lang og 18 ka buwan.

Ang pot money sa maong derby P3,300.00 ug ang champion prize mokabat og P200,000.00

Mao kini ang ikaduhang promosyon ni Sy karon tuiga human sa iyang malampusong derby didto sa Talisay niadtong Abril. – BANAT NEWS