Big Yoo nangahas

CEBU, Philippines - Ang ALA Promotions sa pakigtambayayong sa ABS-CBN Sports ug kooperasyon sa Bohol Sandugo Foundation Inc. uban sa Tagbilaran City, mopasiugda og boxing event uloha'g “Sandugo-Labanan ng mga Kampeon” karong Hulyo 17 didto sa Carlos P. Garcia Sports Complex sa Tagbilaran City. Magsangka sa main event sa maong bakbakay mao si AJ 'Bazoka' Banal batok ni Big Yoo sa Korea.Lumad nga taga Hayato Kimura sa Kawasaki, Kanagawa, Japan, si Big Yoo nilagda og kontrata sa usa ka Korean manager.  Si Big Yoo (16-2, 11KOs) misakmit sa WBO Interim Asia-Pacific super flyweight crown niadtong Oktubre 11, 2008 didto sa South Korea. Siya ang kasamtangang OPBF ug no. 10 sa WBO Asia-Pacific. Katapusang nidaog si Big Yoo batok sa Pinoy'ng si BJ Dolorosa didto sa Korakuen Hall sa Tokyo, Japan. Natumba si Big Yoo sa second round, apan nakabangon ug milampos pagpukan ni Dolorosa sa 2:13 sa round five pinaagi sa referee stoppage.  Mosulbong pa ang ngan ni Big Yoo sa higayon nga iyang mapilde ang lain niyang notadong kaatbang nga si AJ Banal. (BANATSPORT)