X-Racing nanghawod sa 2010 Yamaha GP-Visayas leg

CEBU, Philippines - Ang X-Racing maoy nanghawod sa Visayas leg sa 2010 Yamaha Grand Prix human nila gidominar ang duha sa tulo ka classes, uban ang pipila ka runner-up finishes niadtong miaging adlaw didto sa Kartzone sa Panagdait sa Brgy. Mabolo, ning siyudad.

Si Insik Flores sa X-Racing nidaog sa automatic super stock class batok ni Moises Muñoz samtang ang iyang teammate nga si Mario Borbon nalandig sa ikatulo.

 Giharian sab ni Borbon ang sports production class batok nila ni Jes Louie Vega ug Muñoz nga nahimutang sa ikaduha ug ikatulong dapit. 

Hinuon, si Muñoz nakabawi   sa 110 super stock class dihang napuhalan niya si Flores aron masakmit ang kampiyonato. Si Jubenile Abellar sa Motofix-PSR   misakiyo sa ikatulong dapit.

Gawas sa lumba, nakahigayon usab ang mga Sugbuanong bikers pagrampa sa ilang nindot ug mahalon nga motor sa gipahigayong bike show. Si James Tui sa 3SR maoy nidaog sa "best bike," samtang sila si Ramon Magabilin sa AMC ug Bong Duterte maoy iyang runners-up.   (BANATNEWS)