Gikan sa NBA, adto ta's derby

CEBU, Philippines - Kaniadtong Abril, malamposon ang 3-cock derby didto sa Talisay, mo-promote na sab og laing derby si Lorenzo “Chao” Sy kinsang pamilya maoy nanag-iya sa La Fortuna Bakery ug hamugaway nga Hotel Fortuna nga anaa mahimutang sa dan Borromeo, ning dakbayan.

Karong Hulyo 10 (Sabado) diha sa Century Game Club diha sa Banawa, gidapit ug gi-awhag ni Chao ang mga mahiligon sa sabung sa pag-andam sa ilang labing maayong molabok nga hinigtan alang sa umaabot nga 3-Bull Stag Combination Derby.

Ang maong promotion iyang gitawag og “Showtime” nga iyang gikutlo sa buntagon nga programa sa telebisyon sa ABS-CBN pinangulohan sa inilang host ug hurado, ang sikat nga komedyante nga si Jose Marie Viceral a.k.a. Vice Ganda.

Ang buot ipasabot niining Bull-Stag combination mao ang Cock vs. Cock ug Bullstag vs. Bullstag ug tulo ka entry matag partisipante.Ang cock guwang na nga hinigtan samtang ang bullstag bata-on nga sunoy nga adunay gibana-banang 18 ka buwan gikan sa paghigot o usa ka tuig ug tunga.

Adunay pot money nga P3,300 ug ang ganting cash sa champion mokabat og P200,000. Kinsa kadtong interesadong mosalmot, mahimong mokontak ni Banjhong sa telepono 254-6269 ug 254-6199 o kang Jun Valenzuela sa cellphone number 0917-4588140.

Si Chao kanhi promoter sab og boxing ug basketball ug maoy team manager sa La Fortuna team nga kadaghan na mahimong champion kaniadto sa Cebu Basketball League (CBL). Karon, ang pag-promote og derby na usab maoy iyang gikalingawan.

Usa si Chao nga midapig sa Los Angeles Lakers ug pagsugod pa lang gani sa NBA Finals kaniadtong Hunyo 4 tali sa Lakers ug Boston Celtics, iya dayon akong giingnan nga Lakers maoy iyang gitag-an nga mahimong kampiyon. Ako siyang giingnan nga dili ako mahibulong niana kay aduna siya’y branch sa La Fortuna Bakery didto sa L.A., California diin maoy nagdumala ang iyang asawa nga si Mam Corazon ug anak nga si Michael Sy, kanhi basketball player sa Cebu Doctors College (CDC) Stallions ubos ni coach ug konsehal Yayoy Alcoseba.

Naghisgot man gyud kita’g NBA, ako lang pasalamatan ang nag-email kanako sa ilang komentaryo kalabot sa akong gisuwat sa miaging semana nga nag-ulohan “Wala kaayo’y dungog". Sila mao si NoeTech, Ronito Asinjo ug Felix Rey Gabuya ug salamat sa inyong panahon pag-email kanako. Dili nako mapatik ang inyong tulo ka komentaryo tungod kay daginoton ang lugar sa atong sports page. Akong balikon, daghang salamat sa inyong reaksiyon ug komentaryo.

Tungod kay nahuman na man ang championship kaniadtong Biyernes, Hunyo 18, dili na kadto angayan hisgotan ug ato lang panghinaut sa sunod season sila lang gihapon ang mag-abot sa finals apan depende kana sa resulta sa regular season kung hingpit na silang duha nga makabalik sa playoffs. 

Miscellaneous. On June 30 comes a new chapter in our history and that is the assumption into office by the 15th president of the Philippine Republic, Pres. Benigno “Noynoy” Aquino III whose inauguration a holiday, will be held at the Quirino Grandstand in Manila. What I’ve noticed in the preparation of the inauguration is the involvement of at least two persons whose surnames are so familiar they are related with former presidents—Manolo Quezon and Jing Magsaysay. Here in Cebu, the city officials will also formally assume office and allow me to congratulate them all especially Mayor Michael L. Rama and vice-mayor Augustus Joy Young. My sincere birthday greetings to my brother-in-law Pedro “Boy” Quindao of barangay Owak, Ormoc City in the occasion of his birthday tomorrow in coincidence with the San Pedro-San Pablo feast day. Thanks to the FYA officers Arnel Trinidad, Tristan Rama, brothers Noel and Baeng Medalle for the belated Father’s Day gift. – BANAT NEWS