CEBU, Philippines - Nakabangon ang Mandaue Landmasters human masugamak ngadto sa Treston-Laguna dihang ilang gipahimungtan ang Cobra Energy Drink, 92-80, aron pagposte sa una nilang daog sa 3rd leg sa Tournament of the Philippines (TOP) didto sa Trace College Gym.
Naggukod kanunay ang Mandaue pagsugod sa duwa, apan wala kini hunong nga nakigsinukliay'g mga puntos batok sa 2nd leg champion Cobras nga miresulta sa panagtabla, 21-all sa first period.
Si Alfred Gerilla maoy mikumbati alang sa Mandaue pinaagi sa iyang tulo ka triples nga mao na ang milabaw sa halftime, 41-40. Nainat pa kini ngadto sa 73-66 sa nahabiling tres segundos sa third period.
Ang beteranong si Jose Magdadaro maoy topscorer sa Mandaue pinaagi sa 21 puntos, 10 niini gikan sa final period, gisundan nila ni Gerilla ug James Laygo nga midiga og 17 puntos matag usa.
Sa laing duwa, ang Ascof Lagundi midaog sab batok sa Treston Laguna sa iskor nga 92-82.
Puntos Matag Usa
Unang duwa:
Mandaue (92) - Magdadaro 21, Laygo 17, Gerilla 17, Diputado 16, Gavina 7, Zanoria 7, Gabas 4, Villaver 2, Ursal 1
Cobra 80 - Llagas 17, Canizares 14, Acuna 12, Espiritu 11, Bagatsing 8, Nabong 8, Tecson 6, Lingganay 2, Barua 2
Ikaduhang duwa:
Ascof Lagundi (92) - Smith 14, Leynes 14, Aguilar 13, Manuel 13, Uyloan 12, Gamalinda 10, Canlas 5, Asoro 4, Lanete 3, Co 2, Maliksi 2
Treston Laguna (82) - Losentes 22, Bolocon 20, Mangahas 9, Aquino 8, Mercado 6, Angeles 5, Sanz 4, Ricafuente 3, Legaspi 2, Musngi 2, Tolentino 1. – BANAT NEWS