CEBU, Philippines - Nakasulod sa semifinals si reigning Sinulog 9-ball Open Champion Ciriaco 'Ratsky' Abellana human nangharos sa iyang bracket sa Borak Billiard Zone 1st 9-ball Tournament diha sa E-Zone sa Panagdait, Brgy. Kasambagan, ning siyudad.
Uban ni Abellana nga miabante sa sunod round mao sila si Antonio Cosi, Anton Raga, Achilles 'Akil' Navarra, Rico 'Insik' Bangug ug Ricky San Fernando.
Ang championship round duwaon ugma sa gabii. Ang makampiyon makadawat og P20,000 ug usa ka customized cue stick. Ang second placer mobulsa og P10,000, samtang ang third ug fourth placers makaangkon og P5,000 ug P2,000 matag usa. Ang fifth hangtod sa eight placers makadawat og P500, samtang ang ninth hangtod sa 16th placers pahalipayan og P300 matag usa.
Ang "Trick Shot King" makadawat og P1,000. – BANAT NEWS